26 February 2016

Namibia: Calle Wapamisa Ekwamo Rohoromende

February 26th, 2016 | by New Era Staff Reporter

Languages

Otjomuise

Aina ouzeu wokusuta ozondjo ozonÿeu zouye wopendje mena ronÿengu yotjimariva ndjawa, nawina ozondjo ndekurira ko nombwiko ndji tenduna nai ndji ndjihitisa ovinyikorwa vyokehi tjeri otjina tjaa tjinhandjirwa ko ombura yotjimariva ndjakapita, orupa Rotjimariva erero rwatwiire kotjiriro ondiero yotjimariva tjehi oure wozombura ndatu nÿumazeya tji ma tjiremanisa no ku handa omayerurukiro wotjimarivaotjisutwa kovaungure vohoromende nawina omatungure wozomberoo zohoromende notutu ohnga kohoromende.

O Ministera yOtjimariva, Calle Schlettwein, wa raerere Ondjuwo yOzoveta erero tja twiire ondiero yotjimariva tjohoromende kombura indji o 2016/2017 kotjiriro mondjuwo indji, kutja ondando okuyenda ondikameno mozondjo zohoromende ozombura ndatu nÿumazeya. Ondiero indji yahenuna otjimariva tjohoromende nozo Ndola za Naminia omagete 109.9 nu wina yahenuna otjimariva tjomekurisiro nozo Ndola za Namibia etau 1.99 Otjimariva ihi ombura indji tjatiewa pomatau ozo Ndola za Namibia 9.06.

Omahenunino inga ya tanderwa omaungurisiro wotjimariva nokuhina otjimariva otjikwatwa mondiero yotjimariva otjiungurisiwa. Ihi matjihee kutja ozombura ndatu inda Orupa rOtjimariva karuna oku tirira otjimariva momatunguriro wozomberoo zohoromende no zo nganda ohinga kohoromende.

Wina Orupa rOtjimariva rwa hitisa ombepo yokutja ozombura ndatu nÿumazeya omasutiro wovaugnure vohoromende ku tuwe otjikamo kutja aye rondo kombanda yomayerurukire ombura aihe wo zo prysa zovirandua. Tjingetjo wina otjivarero tjovaugnure vohoromened katjisere oku yeruruka oku kapita ohepero yotjivarero tjitjiripo nai. "Ozombepo azeembari inÿa mazeso oku kara momaunguriro oruveze ropokati rondiero yomaungurisiro wotjimariva," Schlettwein matja.

Otjimariva otjihite mondjatu yohoromende ombura mombura yotjimariva indji o 2016/2017 matjiundjirwa okuyeruruka uriri nozoperesende mbari okuvaza pozo Ndola za Namibia omatau o 57.84 tjinene mena ro ma henunukiro omanene wotjimariva tji tjiza kotjikesa tjo Southern Africa Customs Union (SACU) nawina ongaro yombwiko ombi mouye. Nungwari ihi otjimariva otjiungurisiwa tji tja twiirwe kotjiriro ozo Ndola za Namibia omatau o 66 tji tja henunuka noperesende 1.6 ku iho tjondiero yotjimariva yombura ndjazuko indji o 2014/2015. Ovivarero vyo komurungu woruveze maviraisa kutja kayari bmura ombwa ko Namibia notjimariva otjitataimbwa otjihite tjeri ozo Ndola za Namibia omatau 56.76 tjitjiri kehi nozoperesende o 4.6 kwiitjo otjihakwa ko kuungurisiwa tji tjiri ozo Ndola za Namibia omatau 58.44.

Namibia

Ushona Wins WBF Welterweight Title

TYSON Ushona won the World Boxing Federation welterweight title after a unanimous points decision against Rafal… Read more »

Copyright © 2016 New Era. All rights reserved. Distributed by AllAfrica Global Media (allAfrica.com). To contact the copyright holder directly for corrections — or for permission to republish or make other authorized use of this material, click here.

AllAfrica publishes around 1,000 reports a day from more than 140 news organizations and over 500 other institutions and individuals, representing a diversity of positions on every topic. We publish news and views ranging from vigorous opponents of governments to government publications and spokespersons. Publishers named above each report are responsible for their own content, which AllAfrica does not have the legal right to edit or correct.

Articles and commentaries that identify allAfrica.com as the publisher are produced or commissioned by AllAfrica. To address comments or complaints, please Contact us.